Madaniyat va ta'lim

1993 yilda imzolangan va 2002 yilda kuchga kirgan „Germaniya Federativ Respublikasi va O'zbekiston Respublikasi o'rtasida madaniyat sohasida aloqalar to'g'risida shartnoma“ madaniy hamkorlikning asosi bo'lib xizmat qiladi. Germaniyaning madaniyat sohasidagi vositachisi rolini bajaradigan Gyote-instituti, ZfA (Xorijdagi maktablar markaziy boshqarmasi), Fridrix Eber nomidagi va Konrad Adenauer nomidagi jamg'armalar hamda DVV (Germaniya Xalq universitetlari uyushmasining xalqaro hamkorlik boshqarmasi) tashkilotlari O'zbekistonda o'zlarining 20 nafar atrofida xodimlari yordamida faoliyat yuritadi.

Oliy ta'lim (DAADning 3 nafar o'qituvchisi va nemis tili bo'yicha bitta yordamchisi O'zbekiston oliygohlarida dars berishadi) va „Nemis tili chet tili sifatida“ (umumiy hisobda 3 nafar o'qituvchi) yo'nalishlaridagi loyihalar samarali ish olib borishmoqda. „Maktablar: Kelajak hamkorlari“ tashabbusi doirasida ZfA O'zbekistonning 9 ta, Gyote instituti esa 9 ta maktab va litseylarini o'qituvchi kadrlar hamda o'quv-texnik vositalari bilan qo'llab-quvvatlaydi.

Toshkentda Gyote instituti qoshida Nemis o'quv zali faoliyat yuritmoqda. 2002 yilda Samarqandda o'quv zali va Farg'onada axborot-kutubxona fondi ochilgan. Ayniqsa, Gyote institutining til kurslari juda talabgor. O'zbekiston nemis tilini o'rganuvchilar miqdori bo'yicha dunyoda beshinchi o'rinda turadi.

O'zbekistonda ta'lim tizimida o'tkazilayotgan islohotlar sababli ta'lim sohasi hamkorligimizning muhim qismi hisoblanadi. Bu bir tomondan til targ'iboti ishlariga tegishli: nemis tilining chet tili sifatidagi yaxshi o'rnini (hozirda u o'rganilayotgan chet tillar orasida ikkinchi o'rinda turadi) ta'minlash maqsadida nemis tilini o'qitish tizimi yangi talablarga mos ravishda ishlab chiqilishi kerak. Shu bilan bir qatorda Germaniya Xalq universitetlari uyushmasi tomonidan o'tkaziladigan katta yoshlilarni o'qitish loyihasi hamda Xalqaro hamkorlik bo'yicha Germaniya jamiyatining (GIZ) asosan turizm, axborot texnologiyalari va iqtisodiy kasblarga qaratilgan professional ta'lim sohasidagi loyihalari istiqbolsizlikning oldini olishga katta hissa qo'shadi.

Germaniya tomonining O'zbekistonda madaniyat sohasidagi faoliyatining asosiy yo'nalishlaridan biri – bu madaniy merosni saqlash sohasidagi hamkorlik hisoblanadi. Jumladan, Germaniyaning xalq hunarmandchiligi va yodgorliklarni asrash bo'yicha sobiq markazi Samarqandning tarixiy Shohi Zinda majmuasida joylashgan Shodi-Mulk og'a maqbarasini ta'mirlash ishlarida ishtirok etdi. Germaniya Tashqi ishlar vazirligining moliyaviy ko'magida Potsdam maxsus oliygohi nilan hamkorlikda ushbu loyiha davom ettirildi va 2005 yilda me'morchilikning muhim yodgorliklaridan biri bo'lmish dunyoga mashhur Registon maydonida joylashgan Tillaqori madrasasining gumbazi bilan birgalikda ta'mirlash ishlari o'z nihoyasiga yetkazildi. Potsdam maxsus oliygohi hozirda Temuriylarning Samarqanddagi maqbarasi Ishratxonani ta'mirlash ishlarini olib bormoqda. Germaniya Tadqiqotlar jamiyatining moliyaviy ko'magida Buxoroda ham Bamberg Universitetining Buxoroning eski shahar qismini o'rganish bo'yicha sohalararo yirik loyihasi ish olib bormoqda.

Sogdiana-Konzert

“Сўғдиёна” ўзбек миллий чолғулари камер оркестри ижросида классик мусиқа концерти

Германия Федератив Республикасининг Тошкентдаги элчихонаси 2015 йил 20 ноябрь куни соат 18:30 да Ўзбекистон Давлат консерваториясининг катта залида “Сўғдиёна” ўзбек миллий чолғулари камер оркестри ижросидаги классик мусиқа концертини тақдим этди. Концерт дастуридан Йоҳанн Себастьян Бах, Людвиг ван Бетҳовен, Георг Фридрих Ҳендел, Густав Малер, Вольфганг Амадей Моцарт, Роберт Шуман, Франц Шуберт, Феликс Мендельсон, Рихард Вагнер, Альфред Шнитке, Жеймс Ласт ва Карл фон Орф асарлари ўрин олди...

Lesewettbewerb 2015

O‘zbekistonda nemis tilini o‘rganuvchi o‘quvchilar o‘rtasida ifodali o‘qish bo‘yicha tanlov

Germaniya Federativ Respublikasining Toshkentdagi elchixonasi 2015 yil 9 noyabr kuni O‘zbekistonda nemis tilini o‘rganuvchi o‘quvchilar o‘rtasida ifodali o‘qish bo‘yicha o‘zining 8-tanlovini o‘tkazdi. Tanlovda Germaniyaning 20 nafar hamkor maktabi o‘quvchilari bilan birgalikda O‘zbekistonning turli shahar va tumanlaridan tanlab olingan 10nafar maktab va akademik litseylarning o‘quvchilari ishtirok etib, ular maktab va litseylarning har biri tomonidan o‘tkazilgan ichki saralash bosqichida aniqlab olindi. Til bilish darajasi bo‘yicha uch xil guruhga taqsimlangan o‘quvchilarning nemis tilidagi matnni tushunishi va uni ifodali o‘qish bo‘yicha qobiliyatlari Gyote instituti, Xorijdagi maktablar bo’yicha Germaniya markaziy boshqarmasi (ZfA) va Germaniya elchixonasi vakillaridan iborat uchta hay‘at guruhi tomonidan baholandi.

Theatergruppe aus Buchara mit dem Stück "Der Schweinehirt"

Nemis tilida so‘zlashuvchi o‘zbekistonlik havaskor teatr guruhlarining 10-an’anaviy teatr festivalida Toshkent shahri vakillari g'olib chiqishdi

2015 yil 12-13 sentabr kunlari bo'lib o'tgan teatr festivali Toshkent, Farg‘ona, Samarqand va Buxoro shaharlaridagi „Wiedergeburt“ nemis madaniyati markazlari yoshlarining teatr asarlarini qanchalik y...

Deutsch-französisch-usbekisches Zirkusprojekt „Sirk.Uz“

Ana sirku, mana sirk!

O‘zbekistonlik, fransiyalik, daniyalik va germaniyalik artistlardan iborat xalqaro guruh qo‘shma sirk lohiyasi doirasida o‘zbek ko‘cha sirki an’anasini davom ettirdi. Germaniya va Fransiyaning Toshke...

Tanzfestival der deutschen Minderheit in Fergana

O‘zbekistondagi nemis madaniy markazlarining raqs festivali va Farg‘ona shahridagi nemis madaniy markazining yubiley bayrami

23 may kuni O‘zbekiston nemislari madaniy markazlarining „Raqs kaleydoskopi - 2015“ nomli raqs festivali bo‘lib o‘tdi. Farg‘ona shahridagi san’at saroyining tomoshabinlar bilan to‘la zalida Farg‘ona, ...

Redewettbewerb_2015

Ёш нотиқлар Германия элчихонасида

2015 йил 13 март куни Германия Федератив Республикасининг Ўзбекистондаги элчихонасида бутун Ўзбекистон бўйича чет тили сифатида немис тилини ўрганадиган талабалар орасида “Нотиқлик санъати” шиори ости...

"Maktablar: kelajak hamkorlari" tashabbusi

"Bilim istiqbolga yo‘l ochadi – bir nechta chet tillarini bilish esa imkoniyatlarni kengaytiradi. Chet ellardagi hamkor maktablarimizda biz nafaqat o‘z tilimizni o‘rganishga va ta’lim tizimimizdan bahramand bo‘lishga imkoniyat yaratmoqchimiz, balki bir-birimizga nisbatan qiziqish va o‘zaro anglashuvni uyg‘otmoqchimiz.

Ushbu tashabbus haqidagi batafsil ma´lumotni quyidagi web-sahifadan olishingiz mumkin:

Madaniyat va ta'lim

Studierende mit Laptop

Germaniyada ob-havo va vaqt

Berlin:
14:05:06
Germaniya ob-havoni kuzatish markazi yangiliklari

Rasmlar galereyasi